دینک بھاسکر: سی بی آئی نے سوربھ چندراکر کو گرفتار کر لیا

دینک بھاسکر کے مطابق سی بی آئی اور دیگر ایجنسیوں نے مہادیو آن لائن بیٹنگ ایپ کے مرکزی ملزم اور پروموٹر سوربھ چندراکر کو عمان میں گرفتار کر کے انڈیا منتقل کیا ہے۔ امر اجالا کے مطابق دہلی کی عدالت نے سی بی آئی کو ان کا 2 روزہ ٹرانزٹ ریمانڈ دیا ہے۔ سی بی آئی انہیں پوچھ گچھ کے لیے رائے پور لے جائے گی۔

سی بی آئی سوربھ چندراکر کو رائے پور کی خصوصی عدالت میں پیش کرے گی۔ دینک بھاسکر کی رپورٹ کے مطابق چھتیس گڑھ حکومت نے اس کیس سے متعلق 13 ایف آئی آرز تفتیش کے لیے سی بی آئی کے حوالے کر دی ہیں۔ این ڈی ٹی وی کے مطابق سوربھ چندراکر نے اپنے کیریئر کا آغاز بھلائی میں جوس کی ایک دکان سے کیا تھا۔

بی بی سی کے مطابق مہادیو بیٹنگ ایپ کا سالانہ ٹرن اوور 20,000 کروڑ روپے سے زیادہ بتایا گیا تھا۔

ہندوستان ٹائمز نے یہ بھی بتایا ہے کہ تحقیقاتی ایجنسیاں ایپ کے شریک بانی روی اپل کی دبئی سے حوالگی کی کوشش کر رہی ہیں۔ ہندوستان ٹائمز کے مطابق خیال کیا جاتا ہے کہ پچھلے سال دبئی سے فرار ہونے والے روی اپل واپس متحدہ عرب امارات آ گئے ہیں۔